| Publikuar më: 2017-11-14 | Radio Peja | Shtype |

14 Nëntori është Dita Botërore e Diabetit, ditë e cila në shumë pjesë të Botës kalon duke mësuar dhe informuar popullatën lidhur me këtë sëmundje qe është duke shkaktuar “pandemi globale”.Arsyeja e shënimit të kësaj dite në tërë Botën dhe tek ne në Kosovë është thirrje për aksion për gjithë ata që me kontributin e tyre do të përkrahin masat e parandalimit dhe kontrollit të diabetit.
Në organizim të Institutit Kombëtar të Shëndetit publikë të Kosovës, Ministris së Shëndetësisë, Shoqates së Endokrinologve dhe Diabetologve të Kosovës edhe në komunën e Pejës sot u shënua dita Botërore kundër Diabetit ku në qender të qytetit të Pejës u bë shpërndarja e materialeve edukativo shëndetësore për kalimtarët e rastit si dhe u bë matja e saisë së sheqerit në gjak.
.Nadir Zhubi –kryetar i shoqatës së diabetikëve në komunën e Pejës thotë se në këtë komunë janë 980 persona të cilët trajtohen me insulinë ngase janë të prekur me rënd nga diabeti .Ky numër i personave të prekur nga diabeti është shumë më i madh thotë kyetari i kësaj shoqate Zhubi i cili përmend shifren edhe prej 2000 personave të cilet mund të jene të prekur nga diabeti e të cilët ose nuk marrin trajtim adekuat , ose nuk dinë që janë të prekur nga kjo sëmundje
Përpos numrit të cekur më pare nga diabeti në komunën e Pejës janë të prekur edhe 43 fëmije diabet ky i tipit A ka thënë Zhubi i cili më këtë rast në veqanti ka falenderuar kryetarin e komunës, Gazmend Muhaxherin i cili qdo vit nga fondi i komunës ka ndarë nga 15.000 euro për të furnizuar rregullishtë me insulinë këta fëmije në komunën tonë
Ndryshe , në mbarë botën 415 milionë të rritur jetojnë me diabet dhe ky numër pritet të rritet në 642 milionë, ose një në dhjetë të rritur në vitin 2040. Një në dy të rritur me diabet është i pa diagnostikuar. Rreth 90% e popullatës atakohet me diabetin tip 2 dhe 10% me diabet tip 1. 12% e totalit të shpenzimeve globale në shëndetësi aktualisht shpenzohet për të rriturit me diabet.