| Publikuar më: 2017-04-19 | Radio Peja | Shtype |

Fatos Katallozi nga ‘Outdoor Kosovo”, duke folur për atraksionet turistike Pejane thotë se , “Shtegu i Mushkave”,që fillon nga bregoret, gjegjësisht nga Kapeshnica. Është Atraksioni me i ri turistik“Janë tri qasje për në ‘Shtegun e Mushkave’, një është prej Kapeshnicës, tjetri është prej Sharrës dhe hyrja kryesore është tek bazeni. Përafërsisht 40 minuta është për me hy në shteg. Të gjithë ata që duhet të orientohen për të ecur në këtë shteg mjafton të shikojnë tabelat në rrugë dhe shenjat e kuqe”, ka thënë Katallozi.
Katallozi më tej tregon se gjatë ecjes nëpër shteg janë katër pushimore dhe distanca e tyre është 500-600 metra.
“Te pishat është ekzistuese një pushimore, 800 metra i ka deri te pushimorja e parë. Janë gjithsej katër pushimore. Gjatë rrugës mes tyre distanca është diku 500 – 600 metra… Pamjet janë atraktive. Bota bimore është shumë e pasur duke filluar nga ato me ngjyrë vjollce etj. Ka edhe molla, dardha të egra dhe gështenja gjatë gjithë rrugës”, tha ai, duke shtuar se pushimorja e dytë është më atraktive pasi aty shfaqen shkëmbinjtë.
“Të gjithë ata që nuk frikësohen nga lartësitë duhet edhe ta provojnë”.
Mirëpo, ‘Shtegu i Mushkave”, të jep kënaqësinë të shohësh dy pamje në të njëjtën kohë, Grykën e Rugovës dhe qytetin e Pejës.