| Publikuar më: 2018-04-20 | Radio Peja | Shtype |

Në komunën e Pejës janë gjithësejt 32 Hektar me sipërfaqe të gjelbruara , ku për mirëmbajtejen e tyre kujdeset kompania e Lika e cila ishte kontraktuar nga komuna e Pejës kohë më parë .

Me fillimin e stinës së Pranverës, ka filluar edhe puna për mirëmbajtejen e gjelbrimit në qytetin e Pejës , ku sipas shefit të gjelbrimit në komunën e Pejës , Shefqet Kastratit , drunjët e vjeter janë zëvëndesuar me drunjë të rinjë , është bërë kositja e barit dhe këtë javë apo javën tjeter pritet të bëhet mbjellja e luleve .
I pyetur për kujdesin që tregojnë qytetaret ndaj gjelbrimit , shefi i gjelbrimit Kastrati tha se qytetaret tanë duhet të vetdijësohen që ta ruajnë gjelbrimin pasi që ndikon mirë edhe tek shëndeti i tyre . Kastrati nuk la pa permend edhe mënyren se si disa nga qytetaret ulen në ulset e vendosura në parqe duke i ndotur e që për një pjesë të qytetarëve është irrituese.

Sipas disa rezultatave gjelbrimi pa dyshim ndikon në shëndetin tonë , ku parqet e vogla të vendosura në mes të qyteteve ndikojnë në zvogëlimin e rrezikut për sëmundjet e zemrës dhe sulmeve në tru, pohojnë shkencëtarët skocezë.
Rezultatet e botuara në revistën “The Lancet” sugjerojnë se parqet e sipërfaqet me gjelbërim ndikojnë në zvogëlimin e stresit te personat të cilët jetojnë në afërsi të tyre, dhe njëkohësisht rritin mundësitë që njerëzit të merren me aktivitet fizik.Shkencëtarët nga Universiteti i Glasgout kanë njoftuar se sa më të mëdha të jenë sipërfaqet e gjelbëruara aq më i vogël është rreziku për sëmundjet e zemrës dhe ato të enëve të gjakut.