| Publikuar më: 2017-11-10 | Radio Peja | Shtype |

Ka filluar ftohja e motit e me këtë është imponuar domosdoja që të fillloi funksionimi i ngrohjes në të gjitha shkollat e komunës së Pejës në mënyrë që procesi edukativo- arsimor të zhvillohet normalisht.
Drejtori i drejtoratit për arsim në komunën e Pejës , Besim Avdimetaj i ka thënë Radio Pejës së furrnizimi me lëndë djegëse është në process e siper dhe sipas tij edhe sezoni i ngrohjes ka filluar të realizhet në të gjitha shkollat e kësaj komune.
“Po, procesi i furnizimit me lëndë djegëse në shkollat fillore dhe të mesme të komunës së Pejës ka filluar me kohë. Besoj dhe shpresoj shumë, se deri në fund të kësaj jave do ta kryejm edhe këtë obligim, në mënyrë që procesi mësimor të ketë mbarëvajtje sa më të mirë”, tha drejtori Avdimetaj, duke mos i mohuar edhe disa prej pengesave që janë paraqitur në këtë drejtim dhe ka shtuar se “Tani jemi në fillim të sezonit të ngrohjes, nuk duhet mohuar fakti se gjatë kësaj periudhe kohore janë shperhur aty –këtu edhe disa pengesa dhe mangësi sa i përket ngrohjes se shkollave, por jemi të angazhuar maksimalisht, që të kemi ngrohje sa më cilësore”.
Drejtori i dikasterit për Arsim në komunën e Pejës z. Besim Avdimetaj, ka porositur gjithë personelit arsimor që të kuptojnë drejtë situatën aktuale, ngase siç tha ai, janë vetëm disa ditë që kur ka filluar furrnizimi me lëndë djegëse nga ana e operatorit dhe se do të eliminohen te gjitha mangësitë e shfaqura në kte drejtim. / Radio Peja/