| Publikuar më: 2017-07-20 | Radio Peja | Shtype |

Drejtoria për Integrime dhe Diasporë e Komunës së Pejës, ashtu si edhe viteve të mëparshme, edhe këtë vit ka bërë përgatitjet e duhura për pritjen e mërgatës sonë, ka thënë drejtoresha e këtij drejtorati Suzana Muriqi.

Projekti për pritjen e diasporës në Komunën e Pejës edhe në këtë vit është i fokusuar në manifestime kulturore dhe arsimore, vizita monumenteve të trashëgimisë por edhe të atraksioneve turistike të kësaj komune, ka thënë Muriqi.
Përkundër kësaj, edhe në këtë vit kryetari i Komunës së Pejës Gazmend Muhaxheri do të mbajë takime me bashkatdhetarët në mënyrë që ata t’i njoftojë për së afërmi me rrjedhat e zhvillimit shoqëror, ekonomik dhe kulturor në këtë komunë, por edhe me mundësitë që komuna ofron për ta për të investuar në biznese të ndryshme.

E gjitha kjo bën që mergimtarët tanë të njihen më mirë me ecuritë e gjithëmbarshme në këtë komunë që edhe fëmijët e tyre të njohin më mirë qytetin e origjinës në mënyrë që ta duan më shumë.