| Publikuar më: 2017-07-19 | Radio Peja | Shtype |

Nga 1398 nxënës të shkollave të mesme të Komunës së Pejës të cilët iu kanë nështruar testit kombëtar “Matura 2017”, 82% ose 1147 nga ta kanë arritur ta kalojnë këtë test, kurse 251 nxënës nuk ia dolën që në këtë afat të kalojnë testin kombëtar të maturës. Bazuar në të dhënat e Drejtoratit për Arsim në Komunën e Pejës, në Gjimnazin “Bedri Pejani”- 99.23% kanë kaluar këtë test që njëherit është shkolla më e madhe që iu ka nënshtruar këtij testi dhe vetëm 4 sosh nuk ia kanë dalë që të kalojnë testin me sukses.

Shkolla e mesme e Mjekësisë , edhe kësaj here ka dalë shkolla më e mirë, e cila së bashku me shkollën e mesme të Muzikës “Halit Kasapolli”, Gjimnazin “Cambridge” dhe Qendrën Burimore “Xheladin Deda” kanë treguar sukses të plotë, nxënësit e të cilëve kanë kaluar 100% testin.