| Publikuar më: 2017-07-12 | Radio Peja | Shtype |

Në kuadër të angazhimeve për hartimin e buxhetit të Komunës së Pejës për vitin 2018, nga nesër me datë 13 korrik e gjërë me 27 korrik të këtij viti në të gjitha bashkësitë territoriale të Komunës së Pejës do të organizohen dëgjime publike për planifikimin e buxhetit për vitin që vie ka thënë kryesuesi i Asamblesë Komunale në Pejë, dr. Islam Husaj.

Në kuadër të angazhimeve të Komunës së Pejës për planifikimin dhe hartimin e buxhetit komunal, ashtu si edhe viteve të mëparshme do të organizohen dëgjimet publike me qytetarët e Komunës së Pejës lidhur me kërkesat e tyre që ata kanë për projektet me prioritet për mjediset e tyre.

Për t’u njohur më afër me kërkesat e qytetarëve nga data 13 korrik deri me 27 korrik, në të gjitha bashkësitë territoriale do të mbahen këto debate ka thënë Kryesuesi i Asamblesë Komunale, Islam Husaj.
Husaj thotë se pas përfundimit të këtij debati nga një komision i përbashkët dhe komiteti për politikë dhe financa do të shqyrtohen dhe analizohen këto kërkesa të cilat varësisht nga mundësitë buxhetore do të përfshihen në buxhetin e vitit 2018.