| Publikuar më: 2017-06-22 | Radio Peja | Shtype |

Ndërmarrja rajonale e ujësjellësit “Hidrodrini” në Pejë, iu premton qytetarëve të Komunës së Pejës dhe komunave tjera të cilat i mbulon se gjatë ditëve të verës do të ketë furnizim normal me ujë të pijshëm dhe njëherit apelon te qytetarët që nëse këtë e duan të mos e keqpërdorin ujin e pijes.

Mevlyde Idrizi, zëdhënëse për media e kompanisë rajonale “Hidrodrini” në Pejë sot ka thënë për Radio Pejën se falë pozitës së saj dhe burimeve të bollshme të ujit të pijes që ka Peja, edhe këtë verë pritet furnizim normal i qytetarëve me ujë të pijshëm nga ana e kësaj kompanie.

Ndërkaq sa i përket problemeve që mund t’i kenë qytetarët e komunës së Pejës lidhur me furnizimin me ujë të pijes, duhet t’i drejtohen kompanisë “Hidrodrini”.

Kompania “Hidrodrini” apelon tek qytetarët që të mos e keqpërdorin ujin e pijshëm për larjen e rrugëve, ujitjen e kopshtijeve dhe format e tjera, dhe ka marrë të gjitha masat e duhura për parandalimin e veprimeve të tilla duke krijuar ekipet mobile që do të përcjellin gjendjen në terren dhe do të ushtrojnë padi mandatore ndaj të gjithë atyre që e keqpërdorin ujin e pijes.