| Publikuar më: 2013-05-14 | Radio Peja | Shtype |

EDHE PAS KATERMBDHJET VITEVE DHEMBJA ËSHTË E MADHE

Edhe sot pas 14 viteve në kte përvjetor te katermbdhjetë ,nënat, fëmijët, gratë, prindërit dhe të afërmit e 109 martirëve të vrarë e të masakruar të Qyshkut dhe fshtarve te tjera për rreth po derdhnin lot mbi emrat e shkruar në pllakën e mermertë të varrezave “të së njëjtës ditë”. Para 14 vjetësh, më 14 maj, forcat serbe kishin vrarë , masakruar, djegur e zhdukur 109 fshatarë të katër fshatrave; në Qyshk ishin vrarë 48, Pavlan 13, Zahaq 33,Llabjan 15. Në shënjë nderimi për ta sot u benë homazhe dhe u vunë lule të freskëta në pllakat e tyre përkujtimore.
Banorët e fshatrave të Qyshkut, Pavlanit, Zahaqit dhe Llabjanit sot ishin tubuar për të përkujtuar me të dashurit e tyre të cilët para 14-të viteve u vranë dhe u masakruan nga forcat paramilitare dhe militare serbe.
Për të nderuar jetën dhe veprën e tyre sot me ta ishte edhe ministri i FSK-së Agim Qeku pjesëtarë të forcave të sigurisë se Kosovës, kryetari i komunës se Pejës Ali Berisha me stafin e tij dhe përfaqësues të subjekteve të organizuara politike të komunës se Pejës.
Kryetari Berisha me këtë rast tha se në këto qaste të dhembjes dhe pikëllimit po kujtojmë këta martir të lirisë të cilët nuk lëshuan vatrat e tyre por qëndruan stoik duke u përballur më dhunë të paparë nga forcat serbe.
Ishin të shumtë familjarët e kësaj masakre të cilët nuk nxirrnin dot fjalë nga dhembja dhe pikëllimi që i kishte kapluar në ketë vjetor të 14-të, njeri nga ta ishte edhe
Naim Lushi, që ka humbur nëntë anëtarë të familjes , ai tha se të vrarët dhe të zhdukurit ë masakrës së katër fshatrave të Pejës simbolizojnë sakrificën e popullit shqiptar për liri.
”Shpresojmë që kjo sakrificë të shpaguhet. Serbët me këto maskara kanë menduar të spastrojë këto vendbanime”, tha ai dhe shtoi se askush nuk ka mund të na zhbijë nga vatrat tona dhe këtë se arriti as Serbia me forcat e saj.

Halil Gashi