| Publikuar më: 2017-03-08 | Radio Peja | Shtype |

Komuna e Pejës, përkatësisht Drejtoria e Arsimit me manifestim solemn, Ju ka uruar 7 Marsin-Ditën e Mësuesit të gjithë mësimdhënësve të Komunës së Pejës.
I pranishëm në solemnitet ka qenë Kryetari i Komunës së Pejës, z.Gazmend Muhaxheri me bashkëpunëtor.
Drejtori i Arsimit në Komunën e Pejës, z.Besim Avdimetaj i përshëndeti të gjithë të pranishmit dhe ndër të tjera tha: "Sot, jemi mbledhur këtu të festojmë 7 Marsin- Ditën e Mësuesit!Nga marsi në mars çdo gjë ndryshon, por një ditë dhe një datë, e cila gjithmonë mbetet në kujtesë është pikërisht 7 Marsi-Dita e Mësuesit!
Mësuesit i shndërrojnë nxënësit e tyre në qytetarë të vyeshëm, autoritativ, ku krijojnë vlera të larta njerëzore dhe patriotike.
Sot, shkolla shqipe në Kosovë, si asnjëherë më parë i ka arsyet e forta për të kremtuar këtë festë, sepse ideali i shumë brezave është bërë realitet."
Kryetari Muhaxheri dhe Drejtori Avdimetaj kanë ndarë mirënjohje për mësimdhënësit, të cilët janë pensionuar nga marsi i vitit 2016 deri në marsin e vitit 2017.
Ndërsa, nxënësit e shkollës së mesme të muzikës "Halit Kasapolli" kanë shfaqur një program të mrekullueshëm.