| Publikuar më: 2017-02-23 | Radio Peja | Shtype |

Projekti "Mbështetje stabilitetit socio-ekonomik përmes fuqizimit të mikro-bizneseve në Kosovë - Parandalimi i Migracionit dhe Stabilizimit" është i financuar nga Komuna e Pejës dhe Komunat tjera partnere, Qeveria Gjermane, Qeveria e Kosovës, përkatësisht Ministria e Punës dhe Mirëqenies Sociale, i cili financohet nga organizata Help - Hilfe zur Selbsthilfe.
Projekti në fjalë do të filloj me seancat informuese për qytetarët/mikro-bizneset e interesuara për grante në qytetet Pejë (60 grante), Prizren (40 grante), Novobërdë (30 grante) dhe Vushtrri (40 grante).
Qëllimi i përgjithshëm i projektit është të kontribuojë në zhvillim të qëndrueshëm dhe stabilitet në Kosovë me fokus kryesor fuqizimin ekonomik, ndërsa qëllim i veçantë është krijimi i vendeve të reja të punës përmes mbështetjes direkte me grante për biznese të vogla.
Nëpërmjet këtij projekti, ofrohen pajisje në mënyrë që përfituesit mund të fillojnë, apo rrisin biznesin e tyre.
Vlera mesatare e një granti për një përfitues është 2.000.00 euro në formë të pajisjes, jo para të gatshme.
Përmes seancave informuese Help:
-informon të interesuarit në lidhje me idenë e projektit dhe grupet e synuara;
​-informon të interesuarit me komponentët e projektit dhe kriteret e përzgjedhjes;
-shpërndanë formularin e parë të aplikimit për të gjithë të pranishmit e interesuar dhe
-përgjigjet e të gjitha pyetjeve nga të interesuarit.
Seanca informuese për grante nga Help mbahet me 23 shkurt 2017, në ora 11:00, në Kuvendin Komunal të Pejës.