| Publikuar më: 2014-02-18 | Radio Peja | Shtype |

Inspeksioni komunal në Pejë, sot ka filluar lirimin e sipërfaqeve të pronave komunale nga uzurpatorët të cilët në kilometrin e tretë,në afërsi të Burimit të Ujit të Zi ,kishin ngritur objekte pa leje qoftë për banim apo lokale afariste.
Inspektorët komunal të shoqëruar edhe nga policia së pari kanë larguar objektet pa leje pranë urës së shtegut të gjelbërt dhe kanë vazhduar më pas me ato në afërsi të Burimit të Ujit të Zi.
Vlen për të theksuar se pronarët e këtyre objekteve të vetëdijshëm se aty janë vendosur në mënyrë të paligjshme nuk i kanë rezistuar këtij vendimi disa prej të cilëve i kanë larguar vetë ato në mënyrë që mos të pësojnë dëme më të mëdha .
Këto sipërfaqe tani të liruara do të jenë në funksion të një zone të gjelbëruar dhe të rregulluar ashtu si duhet që aty të pushojnë shumë qytetarë të Pejës që e duan natyrën e që ju ofron një ambient të këndshëm për pushim dhe rekreacion.