| Publikuar më: 2013-12-27 | Radio Peja | Shtype |

Në Pejë u mbajtë mbledhja Inaguruese e Asamblesë se re komunale

Kryetari i ri i komunes se Pejës Gazmend Muhaxheri , pas betimit te dhenë ka thënë sot se ekipi i tij do të jetë i përbërë nga njerëz profesionistë, të ndërshem dhe punëtorë, të cilët së bashku me të do të punojnë për interes të qyteratëve të Komunës së Pejës .Muhaxheri edhe nje herë ka kujtuar se programi i tij i punës është një program konkret dhe zhvillimor, i cili bazohet në tri shtylla, në turizem, bujqësi dhe në krijimin e kushteve dhe të mundësive për zhvillimin e ndërmarrjeve të vogla dhe të mesme.
Në adresimin e parë drejtuar asambleistëve dhe qytetarëve të Komunës së Pejës, pas dhënies së betimit para Asamblesë Komunale, kryetari i ri i Komunës së Pejës, Gazmend Muhaxheri, së pari ka vlerësuar pozitivisht procesin zgjedhor të zgjedhjeve lokale në këtë komunë dhe ju ka premtuar te gjithve se do të jetë kryetar i të gjithë qytetarëve të Komunës së Pejës dhe se do të punojë ngushtë me të gjithë përgaqësuesit në Asamblenë Komuale.
Muhaxheri ka thënë sot se ekipi i tij do të jetë i përbërë nga njerëz profesionistë, të ndërshem dhe punëtorë, të cilët së bashku me të do të punojnë për interes të qyteratëve të Komunës së Pejës. Ai, më pas ka kujtuar se muajve të fundit ka zhvilluar biseda me të gjithë qytetarët e kesaj komune për të kuptuar nevojat, hallet dhe kërkesat që kanëata , duke shtuar të jetë bindur se qytetarët janë këshilltarët më të mirë të politikanëve për të kuptuar me mirë e më drejtë hallet e tyre.
Muhaxheri edhe nje herë ka kujtuar se programi i tij i punës është një program konkret dhe zhvillimor, i cili bazohet në tri shtylla, në turizem, bujqësi dhe në krijimin e kushteve dhe të mundësive për zhvillimin e ndërmarrjeve të vogla dhe të mesme. Kryetari Muhaxheri u ka premtuar qytetarve se te gjitha hapësirat e kësaj komune do ti mbulojë me plane rregulluese, do të asfaltojë të gjitha rrugët dhe nuk do të ketë fshat pa ujësjellës, kanalizim dhe ndriçim publik , për një jetë më të mirë pë të gjithë qytetarët e kësaj komune.